《聖經故事三字詩》

7. Chhian-sóa .... 遷徙

作者 Tân Chheng-chùn

Sīong-tè siaⁿ, lī-khui sîaⁿ,
上帝聲， 離開城，

Beh chhòng síaⁿ, án-chóaⁿ kîaⁿ,
欲創啥？ 按怎行？

M̄ chai-íaⁿ, sim-thâu kiaⁿ;
不知影，心頭驚；

A-pek-lân, chin ûi-lân,
亞伯蘭，真為難，

Sìn chīu an, Sîn pang-chān;
信就安，神幫贊；

Chhut Ngó͘-ní, Hap-lân khì,
出吾耳，哈蘭去，

Lāu-pē sí, koh chhian lī,
老父死，復遷離；

Sèng-tôaⁿ khí, Chú pó-pì;
聖壇起，主保庇。

Ji̍p Ka-lâm, pho-tô kam,
入迦南，葡萄甘，

Chúi-chháu tâm, Jîn-chíong lām;
水草 [水昝] *，人種濫，

Kiⁿ-hngg kám, koh lo̍h lâm,
饑荒感，復落南，

Ai-ki̍p àm, súi-bó͘ khàm,
埃及暗，婧**某蓋、

Ông lām-sám, Lú-sek tham,
王濫滲，女色貪，

Sīong-tè hám, khi-phìan kàm.
上帝撼，欺騙鑑；

Sàng sú-lú, Ǹg pak hù,
送使女，向北赴，

Tīaⁿ-ti̍oh chhù, Ka-lām ku.
定著厝，迦南居。

* 濕** 美