Pe̍h-hîⁿ-á, lí tī tó-ūi teh kho͘-si-á ? 白耳á,你tī toh位teh kho͘-si-á? Tōa-siaⁿ koh ē khan-si. 大聲koh會khan-si。 Pe̍h-hîⁿ-á, lí mā-sī chi̍t chiah hoe-bî kám m̄-sī ? 白耳á,你mā是一隻hoe-bî kám m̄是? Hīⁿ-khang sī siáng kā lí ōe chi̍t sûn, 耳孔是siáng kā你畫一sûn, Ōe kah chiah-ni̍h súi. 畫kah chiah-ni̍h súi Pe̍h-hīⁿ-á(白耳á); 白耳畫眉; White-eared Sibia. Pe̍h-hīⁿ-á(白耳á),有白色ê耳羽,非常明顯。是台灣ê特有種,分布tī中海拔山區,特別時常出現tī海拔2100~2500公尺附近ê原始山林,生活tī樹尾頂,kui群活動,鳴聲優美響亮好聽會牽聲,是台灣高山花眉科上gâu唱歌鳥類之一。 Tī台灣高山聽著chit種尾音會牽聲ê鳥á,ùi北美洲來ê愛鳥朋友án-ni講:無論音色抑是聲調,kài-sêng美國gín-ná看tio̍h美女ê kho͘-si-á聲。 愛食昆蟲、幼蟲、果子、漿果kap花蜜。