《台語荒漠甘泉（全羅版）》

 | | | 轉寄

"Sìn chiū beh chiâⁿ"

作者 陳清俊 翻譯 2010.03.21

listen



Saⁿ ge̍h jī-it (Saⁿ ge̍h jī-cha̍p-it ji̍t)

"Chiàu lín ê sìn, kā lín choè chiâⁿ." (Má-thài 9:29)

"Pek-chhiat kî-tó" ê ì-sù sī "Chìn-ji̍p tī oân-choân sìn-sim ê kî-tó." Chiū-sī lí iáu teh kî-tó ê sî, lí ê kî-tó í-keng siū thiaⁿ-tio̍h, koh chiap-la̍p lah. Tī sū-chêng iáu boē si̍t-hiān ê tāi-seng, lí í-keng ū pá-ak tit-tio̍h lí ê chhéng-kiû.

Oē-kì-tit, tī tē-chiūⁿ bô jīm-hô chêng-khóng oē chó͘-tòng Siōng-tè ê oē ê èng-giām kap si̍t-hiān. Lán pit-su kian-tēng put-î ǹg-bāng I éng-éng boē piàn ê oē, m̄ thang khoàⁿ chit sè-kài ê piàn-hoà. Siōng-tè ài lán tī bô jīm-hô chèng-kù ê sî, chiū siong-sìn I ê oē, jiân-āu, I chiū oē àn-chiàu lán ê sìn lâi si̍t-hiān.

Tng I ê oē chi̍t ē kóng,
Tng I kóng "Goá beh" (chham-khó Hi-pek-lâi 13:5)
Sū chiū án-ni chhòng,
I ê èng-ún éng-oán tī-teh. (chham-khó Ṳ Ko-lîm-to 1:20)

Gō͘-sûn-chiat sî-tāi ê kî-tó sī chiah ni̍h kán-tan ê sìn, chiū chhin-chhiūⁿ khì gûn-hâng chiong chi-phiò tūi-hiān, oāⁿ choè hiān-kim chi̍t-iūⁿ. – Robert Anderson

"Siōng-tè kóng, ... chiū ū án-ni." (Chhòng-sè-kì 1:9)

附註:《荒漠甘泉》漢羅版kap "Hong-bô͘Kam-choâⁿ"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com