《押韻啟應詩篇》

台語押韻啟應詩篇 101

作者 Tīⁿ Jî-gi̍ok

101　　Tāi-pi̍t ê si.

1a　Góa beh chhìuⁿ chû-ài kap kong-pêng ê koa;
　　我 要 唱 慈 愛 及 公 平 的 歌；

1b　　　Îa-hô-hoa ah, góa beh ǹg Lí chhìuⁿ o -ló ê koa.
　　　　耶 和 華 啊，我 要 向 你 唱 讚 美 的 歌。

2a　Góa beh ēng tì-hūi kîaⁿ tī ôan-chôan ê lō͘ ;
　　我 要 用 智 慧 行 在 完 全 的 路；

2b　　　Lí beh síaⁿ-sî kàu góa chia khòaⁿ-kò͘ ?
　　　　你 要 甚 時 到 我 此 看 顧？
　　　　Góa beh ēng chheng-khì ê sim kîaⁿ tī góa chhù-lāi ê tōe-pho͘.　　
　　　　我 要 用 清 氣 的 心 行 在 我 厝 內 的 地 鋪。

3a　Sîa-phiah ê sū , góa lóng m̄ pâi tī góa ê ba̍k-chêng;
　　邪 僻 的 事，我 攏 不 排 在 我 的 目 前；

3b　　　Pōe-tō ê lâng só͘ chòe ê sū, góa chin òan-hūn in ê put-chèng,
　　　　背 道 的 人 所 做 的 事，我 真 怨 恨 伊 的 不 正，
　　　　m̄-hō͘ i lîam-ti̍oh góa ê heng-chêng.
　　　　不 讓 他 黏 著 我 的 胸 前。

4a　Oan-khiau ê sim tek-khak hō͘ i lī-khui góa;
　　彎 曲 的 心 的 確 使 它 離 開 我；

4b　　　It -chhè ê pháiⁿ góa m̄-bat i jōa tōa.
　　　　一 切 的 歹 我 不 識 它 偌 大。

5a　Àm-tiong húi-pòng i ê chhù-piⁿ--ê ,
　　暗 中 毀 謗 他的 厝 邊 者，

5b　　　Góa beh bi̍at i ;
　　　　我 要 滅 他；

5c　Ba̍k-chiu-kho͘ tōa--ê , sim kiau-ngō͘--ê ,
　　目 珠 眶 大 的，心 驕 傲 的，

5d　　　Góa bô îong-ún i .
　　　　我 無 容 允 他。

6a　Góa ê ba̍k-chiu beh khòaⁿ kok-lāi sêng-si̍t--ê ,
　　我 的 目 珠 要 看 國 內 誠 實 者，

6b　　　Hō͘ in kap góa saⁿ-kap tòa;
　　　　使 伊 與 我 相 與 住；

6c　　Kîaⁿ tī ôan-chôan ê lō͘--ê ,
　　行 在 完 全 的 路 的，

6d　　　I beh ho̍k-sāi góa.
　　　　他 要 服 侍 我。

7a　Kîaⁿ khúi-chà ê lâng,
　　行 詭 詐 的 人，

7b　　　Bōe-tit-thang chē góa ê ke-lāi sīu chun-kèng,
　　　　不 得 通 坐 我 的 家 內 受 尊 敬，

7c　Kóng pe̍h-chha̍t-ōe ê lâng,　　
　　講 白 賊 話 的 人，

7d　　　Bōe-tit-thang khīa-tîau tī góa ê ba̍k-chiu-chêng.
　　　　不 得 通 khīa 住 在 我 的 目 珠 前。

8a　Ta̍k chá-khí góa beh bi̍at-bô kok-lāi ê pháiⁿ-lâng;
　　逐 早 起 我 要 滅 亡 國 內 的 歹 人；

8b　　　Thang chiong it-chhè chòe-pháiⁿ ê lâng,
　　　　通 將 一 切 做 歹 的 人，
　　　　tùi Îa-hô-hoa ê sîaⁿ tû--khì, kàu khang-khang.
　　　　對 耶 和 華 的 城 除 去，到 空 空 。